والمكان نفس المكان
والحدث ثورة يناير
والهدف نلقى الامان
اللى ضايع من زمان
ياللى شايف صورة واضحة
شوفت دمى وهو راسم
حلم طاير عالميدان
شايل النبض ف وريده
لجل ما نعيد النظر
ف اللى كاين واللى كان
حلم لجل ما نبقى احسن
من زمان..
حلم بيعيد الكرامة
حلم سكة السلامة
حلم بيشيل العمامة
من على راس اللى خان
حلم باحث ف القضية
واللى خلى البندقية
ويا أولاد الحرام
حلم خالق للعلام
حلم خانق للكلام
حلم هز الأرض تحتى
بيّن النور مالضلام
واتولدنا جيل جديد
بعد ماتوفيت شهيد
جيلنا رافض للهزيمة
عازف اللحن الاخير
والعيون والروح فداك
يا وطن ياللى فى عشقك
كله هان..
والزمان هو الزمان
والمكان نفس المكان
والحدث ثورة يناير
والهدف نلقى الأمان
اللى ضايع من زمان
تأليف/ محمد أنور أبوزكرى