مساء العيد
بشكل جديد
بثورة تلم شمل الكل
بنتقاسم على إيديها
عيدان الفل
نضم الحلم بإيدينا
فيظهر حقنا منه
يلم قلوبنا من غزة
يقوم واصل على بغداد
نسور تونس تنادينا
ترد عزيمة مصرية
بثورة مصر
ندوق بإيدينا طعم النصر
تشاركنا بنى غازى
وسوريا أقسمت بالحق
في إيدها الحق
وبكرة تشوفوا ثورتها
يدوم المد يا بلادنا
على إيدنا وعلى إيدها
وتطرح كل أشجارنا
عنب صافى
وعناقيدها
تبوس إيد اللى مات
عشان تعيش بلده
تعيش أمه
تبوس على راسه
فيوطى..
يبوس إيدها
يبوس إيدها
تأليف/ محمد أنور أبوزكرى