والله زمان يا نجم هالل مالسما
عامل كما ..عقد إنما
عقد المحبة للبلد
شكله كما مصر اللى كانت إنما
إتزينت يوم عرسها
كان مهرها غنوة كتبها أبو النجوم
غناهالو الشيخ إمام
أما سلام عليك ياعم الشيخ إمام
لما تغنى الكون يقف
على غنوتك يرقص يميل
يلقى السبيل
يلقى إنه أصبح مستحيل
يبيع فى يوم
طب رأيك إيه يابو النجوم
يانجم واتحدى الغيوم
حارب بكل قوته
كل اللى باعوا بالرخيص
كل اللى ساوموا عالبلد
كل اللى هربوا فى الصراع
مات الضمير قتلوا الولد
وانتا يانجم واقفلهم
ومعاك كمان الشيخ امام
رجعوا التلامذة وبالعلام
عرفوا البداية بالنضال مش بالكلام
واتجمعوا العشاق على عشق البلد
وانت يانجم أكبر العشاق
عايز أقولك إن قولك يا ولد
يتوه والله قدامه كل الكلام
تأليف/ محمد أنور أبوزكرى
ليست هناك تعليقات:
إرسال تعليق