ربيعنا تاه وسط الخريف
والجو صيف
ومعاهدة بين الحر
وبين سقوط ورق الشجر
ورياح تراب
جايبة الخراب
والمد شال كل الجزر
عصفور بيتنفس أسى
وعشه بالغدر اتكسى
والحب فينه
مالوش أثر
أمطار تلوج جوا الضماير
تسقط.. تدوب
تعمى البصاير
وفى الحقيقة اللى صاير
بركان انانية انفجر
خلف لنا فى الجو زيف
وربيعنا تاه وسط الخريف
وسط الشطوط مركب أمل
جنبه هلال راكب جمل
على فين يروح
وايه العمل؟
من لعبة الشبح المخيف
وربيعنا تاه وسط الخريف
تأليف/ محمد أنور أبوزكرى
ليست هناك تعليقات:
إرسال تعليق