ما بين شطين
بشوف الكحل متعانق
مع المية
بيعمل حركة ثورية
بيتدلى على عيونك
ورمشك خافه قام سايبه
يعدى لخدك الجذاب
يبوس الخد وكأنه من الأحباب
واغير من كحلتك وامشى
واشيل حبك على كفى
واحطه جوا سندرتى
واقوم قافل عليه الباب
فى غفلة من يتسحب
يزور قلبى
يتوه جواه
انام والقاه
ملك روحى ..
ملك عقلى..
ملك عقلى..
واقوم اصحى على الأشواق
أنا اللى العشق كان قدرى
وشوفت فى سكتى قمرى
ودوبت بنظرتين ويادوب
بقي محبوب
سألته إنت جيتلى منين
يقوم رادد
ما بين شطين
تأليف/ محمد أنور أبوزكرى
ليست هناك تعليقات:
إرسال تعليق